شەفەق نیوز - بەسرە/ زیقار
پارێزگایەیل بەسرە، زیقار، بابل، دیوانیە، واسیت، و موسەننا، راگەیانن لە پەکخستن دەوام فەرمی لە رووژ یەکشەممەی ئایندە، وە بوونەی یاد کووچ دۊایی فاتمە زەهرا (دۊت پێغەمبەر ئیسلام محمد کوڕ عەبدوڵڵا).
فەرمانگە ئەمنی و تەندروسییەیل لە بڕیار پەکخستنەگە وەدەر هریەن.
ئەنجوومەن پارێزگای نەجەف، دۊکە پەنجشەممە، بڕیار پەکخستن دەوام فەرمی لە یەکشەممەی ئایندە دا وە بوەنەی یاد کووچ دۊایی فاتمە زەهرا دۊت پێغەمبەر ئیسلام محمد کوڕ عەبدوڵڵا.
مسوڵمانە شیعەگان یاد ئەوەگ وە "رووژەیل فاتمی" ناوب نەن زینگ کەنەو کە یاد کووچ دۊایی زەهراس کە وتنەیل لەباوەت دیاریکردن وەختەگەی لە وتەیل جیا جیاوازی دیرن، و دیارترین ئەو وتەیلە ئەرا ئی بوونە شەش رووژە (3 لە مانگ جەمادی یەکەم) و (سێ لە جەمادی دۊیەم).
مسوڵمانە شیعەگان ئی بوونەی ئایینییە لە مەزارگە پیرووزەیل و وەتایبەت نەجەف لەلای مەنزڵگای ئیمام عەلی کوڕ ئەبو تاڵیب هاوسەر زەهرا و ئامووزای پەیغەمبەر، و لە کەربەلا لەلای ئیمام حسێن کوڕ عەلی کوڕەی زینگ کەنەو.