شەفەق نیوز ـ ئەنقەرە

‏ئامارەیل دەزگای ئامار تورکیا، ئمڕوو دووشەممە، رایگەیان کە هاوڵاتییەیل عراق 691 موڵک لە تورکیا سەننە لە ماوەی 7 مانگ سەرەتای ساڵ 2026، کە لە ناوەین 663 ماڵ و 28 موڵک بازرگانی بەشەوبوینە.

‏ وەپای ئامارەیل  ئاژانس شەفەق نیوز ئاگاداری بوی، شمارەی ماڵەیل کە عراقییەیل سەنەسێ بریتی بوی لە 106 ماڵ لە کانوون دویەم/یه‌نایەر، و 74 لە شوبات/فێبرایەر، و 80 لە ئادار/مارس، و 66 لە نیسان/ئەپریل، وەرجە ئەوەگ  بەرز بوود ئەرا 95 ماڵ لە ئایار/مایو، و 98 لە حوزەیران/یۆنیۆ، و 144 ماڵ لە تەموز/یۆلیۆ.

‏عراقییەیل هەمیش 5 موڵک بازرگانی سەننە لە کانوون دویەم/یه‌نایەر، و 5 لە شوبات/فێبرایەر، و 3 لە ئادار/مارس، و 2 لە نیسان/ئەپریل، و موڵکیگ لە ئایار/مایو، و 4 موڵک بازرگانی لە حوزەیران/یۆنیۆ، و 8 موڵک لە تەموز/یۆلیۆ، تا گشت موڵکەیل بازرگانی بڕەسێدە 28 موڵک لە ماوەی 7 مانگ سەرەتای ساڵەگە.

‏ئێ شمارەیلە رەنگەوداین وەردەوامبوین گرنگیدان هاووڵاتییەیل عراقە ئەرا بازاڕ موڵک تورکی، چ لە ئەرا مەبەستەیل نیشتەجێبوین یا  وەبەرهێنان، وە مەنن عراق لە ناو رەگەزنامەیل تر ئەرا چالاکترین لە سەنین موڵک وەلایەن بیانییەیل لە تورکیا لە ماوە کە باسکریا.

‏

‏