شه‌فه‌ق نيوز/ وه‌رپرسيگ له خارجيه‌ى ئيرانى ئاشكراى ئه‌وه كرد 40 هه‌زار زياره‌تكار بيگانه له مه‌رزه‌يل شه‌لامچه‌وه له باشوور خوه‌رئاواى ئيران، له سه‌ره‌تاى مانگ سه‌فه‌ر تائيسه هاتنه‌سه ناو ئه‌را به‌شدارى له مه‌راسيم چله‌و زياره‌ت مه‌زارگه‌يل ئايينى له عراق.
عه‌لى ره‌زا غوروئى وه‌ڕيه‌وبه‌ر گشتى كاروبار بيگانه‌يل و كووچكه‌ره‌يل له وه‌زاره‌ت خارجيه‌ى ئيرانى وت زوورم ئه‌و زياره‌تكاره‌يل بيگانه له كۆمار ئازه‌ربايجان و پاكستان و ئه‌فغانستانن.
جى باسه، باس له‌وه‌يش ئه‌كريه‌ێد زياتر له 600 هه‌زار زياره‌تكار ئيرانى و بيگانه له‌ڕێ مه‌رزه‌يل شه‌لامچه‌وه له سه‌ره‌تاى مانگ سه‌فه‌ره‌و له‌ماوه‌ى 13 رووژ روێ له عراق كردنه ئه‌را به‌شدارى له زياره‌ت ئه‌ربه‌عين.