شه‌فه‌ق نيوز/ سه‌رچه‌وه‌يگ له وه‌ڕيه‌وبه‌رايه‌تى ته‌ندروستى ره‌سافه، ئاشكراى ته‌شخيسكردن ده‌يان حاڵه‌ت تويشبوين تازه وه ڤايرۆس كۆرۆنا كرد له‌ناونى كارمه‌نده‌يل پزيشكى.
سه‌رچه‌وه‌گه ئه‌را ئاژانس شه‌فه‌ق نيوز وت: 40 حاڵه‌ت تويشبوين له‌ناونى كادره‌يل پزيشكى له ماوه‌ى 72 سه‌عات گوزه‌يشت له ره‌سافه تۆمار كرياگه
جى باسه، سه‌رچه‌وه‌گه باس له‌وه‌يش كرد ئه‌و حاڵه‌ته‌يل تويشبوينه له ناونى پزيشكه‌يل و په‌رستياره‌يل و تاقيكاره‌يل و ئداريه‌يل و كارمه‌نده‌يل كارگوزار روێداگه له نه‌خوه‌شخانه‌يل ئيمام عه‌لى و نه‌خوه‌شخانه‌ى شێخ زايد و نه‌خوه‌شخانه‌ى ئه‌لنوعمان و نه‌خوه‌شخانه‌ى فاتمه‌ى زه‌هرا و نه‌خوه‌شخانه‌ى ئبن نه‌فيس و نه‌خوه‌شخانه‌ى شه‌هيد زارى و نه‌خوه‌شخانه‌ى شه‌هيد سه‌در.