شەفەق نيوز- بەغداد 

 13 ناوچەی عراقی، ئمڕوو دووشەممە، لەبان لیست گەرمترین دەوڵەتەیل جیهان بوین لە ماوەی 24 ساعەت گوزەشتە. 

وێستگەی  "بلاسيرفيل" لە کالیفۆڕنیای ئەمریکا، خشتەیگ وە 15 ناوچە و شار جیهانی بڵاو کرد کە بەرزترین پلەی گەرمی لە جیهان لە ماوەی 24 ساعەت گوزەشتە توومار کردنە.

خشتەگە نشان دایک کە ناوچەی فڕوکەخانەی ناودەوڵەتی بەسرە لە عراق بەرزترین پلەی گەرمی لە جیهان توومار کردگە، وە 50.7 پلەی سەدی، ئیجا شار عمارە لە عراق لە پلەی دویەم وە 50 پلەی سەدی، و لە پلەی سێیەم شار بەرسەت ئەلحوسەین لە عراق وە 49.9 پلەی سەدی، ئیجا عەبادان لە ئیران لە پلەی چوارەم وە 49.6 پلەی سەدی، و لە پلەی پەنجەم ناوچەی عەلی غەربی لە عراق وە 49.5 پلەی سەدی.

وەگورەی ئەو خشتە، شار کوت لە عراق لە پلەی شەشەم بوی، وە 49.5 پلەی سەدی، و شار فڕوکەخانەی کوێت کەفتە پلەی هەفتەم وە 49.3 پلەی سەدی، و ناسریەی عراق لە پشتی کەفتە پلەی هەشتەم وە 49.3 پلەی سەدی.

وەگورەی ئەو خشتە، شار تکریت لە عراق کەفتە پلەی نۆهەم وە 49.3 پلەی سەدی، و نەجەف لە عراق پلەی دەهەم بویە بەشی وە 49.2 پلەی سەدی، ئیجا ناوچەی خانەقین لە پلەی یانزەهەم وە 49.2 پلەی سەدی، و شار کوت (حەی) لە عراق کەفتە پلەی دوانزەهەم وە 49.2 پلەی سەدی، لە شوینی شار دووزخورماتوو لە پلەی سیانزەهەم وە 49.1 پلەی سەدی، و بەدرە لە عراق کەفتە پلەی چواردەهەم وە 49 پلەی سەدی، و ناوچەی بێجی لە عراق کەفتە دویاترین پلە لەناو ئی خشتە، ئەوەیش وە پلەی گەرمی 48.9 پلەی سەدی.