شه‌فه‌ق نيوز/ گۆڤار نيويۆركه‌ر ئه‌مريكى باس له‌وه كرد ك ئداره‌ى واشنتۆن روى له قه‌بولكردن وه مه‌ندنه‌وه‌ى به‌شار ئه‌سه‌د ئه‌كا وه سه‌رۆك ئه‌را سوريا تا هه‌ڵوژاردنه‌يل ئاينده‌ى سه‌رۆكايه‌تى پيشبينيكرياێ 2021.
گۆڤاره‌گه له زووان وه‌رپرسه‌يل ئه‌مريكى و ئۆرپى ئه‌وه ده‌رخست ك ئى مه‌سه‌له كاريگه‌رى ئه‌كا له‌بان هه‌ڵكه‌فت سه‌ربازى له‌بان خاك و سه‌ركه‌فتنه‌يليگ ك هاوپه‌يمانه‌يل سوريا هاوردنه‌ى ده‌س ك ئه‌وانيش پيكهاتنه له: روسيا و ئيران و حزبوڵڵاى لوبنانى له بته‌وكردن پايه‌ێ رژيم سورى.
جى باسه، وه‌گووره‌ى گۆڤاره‌گه يه‌يش ده‌ركه‌فت واشنتۆن ك فيشتر له 14 مليار دۆلار له‌بان هه‌ڵمه‌ته‌گه‌ى له سوريا خه‌رج كردگه له‌ساڵ 2014 تائيسه، هه‌ڵكه‌فت ئيسه ناچارى ئه‌كا قه‌بول وه مه‌ندنه‌وه‌ى ئه‌سه‌د بكا له ده‌سڵات ك وه‌لاى كه‌مه‌و ئه‌را ماوه‌ى 4 ساڵ تر.