شه‌فه‌ق نيوز/ نرخ نه‌فت وه ريژه‌ێ يه‌ك له سه‌د به‌رزه‌و بوى وه بوونه‌ێ گرژيه‌يل خوه‌رهه‌ڵات ناوين و له دوياێ ئه‌وه‌گ سعوديه گه‌وراترين سه‌رچه‌وه‌ێ هه‌نارده‌كار نه‌فت له جه‌هان و ده‌وڵه‌ته‌يل تر عه‌ره‌بى په‌يوه‌ندى وه‌ل قه‌ته‌ر بڕين.
نرخ نه‌فت خام تيكه‌ڵ وه برنت 48 سه‌نت به‌رزه‌و بوى و يه‌يش ئه‌كاده يه‌ك له سه‌د و نرخ هه‌ر به‌رميليگى ره‌سيه 50.43 دۆلار و نرخ خام خوه‌رئاواێ تكساس ئه‌مريكييش 48 سه‌نت زياێ بوى و هه‌ر به‌رميليگى ره‌سيه 48.14 دۆلار.
جى باسه، به‌رهه‌م نه‌فت قه‌ته‌رى ك ره‌سێده نزيكه‌ێ 600 هه‌زار به‌رميل رووژانه، خه‌ريكه له وه‌رانوه‌ر به‌رهه‌م سعودى كه‌مه‌و ئه‌دێ ك نزيكه له 10 مليۆن به‌رميل رووژانه.