شه‌فه‌ق نيوز/ ڤايرۆس كۆرۆنا ك له ئيرانيش بڵاوه‌و بويه، له‌ليه‌و جيواز بويه ئه‌را شه‌ش ده‌وڵه‌ت تر، هه‌ر وه‌و خاتريشه ريكخرياگ ته‌ندروستى جه‌هانى وشدارى دا له‌و باوه‌ته‌و.
له‌ى باوه‌ته‌و ريكخرياگ ته‌ندروستى جه‌هانى نگه‌رانى خوه‌ى ده‌رخست له‌باره‌ى بڵاوبوينه‌وه‌ى ڤايرۆس كۆرۆنا له ناوچه‌ى خوه‌رهه‌ڵات ناوين و هه‌ر وه‌و خاتريشه وشدارى دا و وت: بايه‌سه له‌بان وڵاته‌يل جه‌هان ئاماده بوون ئه‌را روێ وه‌ڕوێ بوينه‌وه‌ى ئى په‌تاى كوشنده.
جى باسه، هه‌ر يه‌ك له به‌حره‌ين و عه‌مان و ئيمارات و لوبنان و كوه‌يت و عراق ئاشكراى ره‌سين ئى ڤايرۆس كوشنده له ئيرانه‌و ئه‌را ناو وڵاته‌يليان كردن.