شه‌فه‌ق نيوز چين ئمڕوو باج گومرگى له‌بان كاڵايه‌يل ئه‌مريكى زياێ كرد وه بڕ ملياره‌ها دۆلار، له‌وه‌ختيگ ك ئاماده‌كارێ ئه‌كريه‌ێد ئه‌را ده‌رخستن ليست سيه‌ى كۆمپانيايه‌يل بيگانه له‌وانه‌گ متمانه له‌ده‌سدانه.
گامه‌يل چينى له‌باوه‌ته‌و كاڵايه‌يل ئه‌مريكى ئه‌گرێده ئامانج وه بڕ 60 مليار دۆلار وه باجه‌يل سزايى تازه‌يگ ك ريژه‌ى ها ناونى 5 تا 20 له‌سه‌د، يه‌يش له جواودانه‌وه‌ى لاوردن باج له‌بان كاڵايه‌يل چينى له‌لايه‌ن واشنتۆنه‌و ه بڕ 200 مليار دۆلار ئه‌را 25 له‌سه‌د.
جى باسه، وه‌ى جووريشه واشنتۆن و په‌كين وه‌رده‌وام بوين له جه‌نگ باج گومرگى له‌ناونى خوه‌يان دوياى كووتاييهاتن گفتگووه‌يل بازرگان له وڵاته‌يل يه‌كگرتگ وه‌بى ريككه‌فتن وه‌ل تومه‌تباركردن دانيشتنكاره‌يل چينى له‌لايه‌ن ئه‌مريكاوه وه كه‌مته‌رخه‌مى له پابه‌نديه‌يل وه‌رين.