شه‌فه‌ق نيوز/ پۆليس لاس فيغاس ئاشكراى دوينستنه‌وه‌ى چه‌ك و زه‌خيره‌و ته‌قه‌مه‌نى كرد له ماڵه‌گه‌ێ ستيفن بادوك ك شه‌و دوشه‌ممه‌ى گوزه‌يشت ته‌قه له به‌شداربويه‌يل له ئاهه‌نگيگ كرد له شاره‌گه‌و 59 كه‌س كوشت و 527 كه‌سيش زه‌خمدار كرد و دوياخريش خوه‌ى كوشت.
له‌ى باوه‌ته‌و، فرانس پرێس له زووان جوزف لومباردو سه‌ركرده‌ى پۆليس وت: ئه‌و په‌يجوريكه‌ره‌يله ك ماڵه‌گه‌ێ ستيفن بادوك وشكاننه له ميسكيت ك ئه‌كه‌فيده دويرى 120كم له شار لاس فيغاس، 18 پارچه چه‌ك دينه‌سه‌وه‌و بيجگه بڕيگ ته‌قه‌مه‌نى و هه‌زاران گوله‌و بريگ ئامێر ئه‌لكترۆنى.
جى باسه، په‌يجوريكه‌ره‌يل باس له‌وه‌يش كردنه ك تائيسه هيمان هويچ نامه‌يگ له په‌لاماره‌ده‌ره‌گه نه‌ينه‌سه‌و ئه‌را ته‌بريه‌كردن ئه‌و تاوانه ك ئه‌نجامى داگه.