شه‌فه‌ق نيوز/ رووژنامه‌ى تايمز باوه‌تيگ تۆم بارفيت په‌يامنێرى له مۆسكۆى پايته‌خت روسيا له ژير ناونيشان"پۆتين هه‌ڕه‌شه‌ى وه‌ئامانجگرتن ئه‌مريكا وه مووشه‌كه‌يل ئه‌تۆمى ئه‌كا".
بارفيت ئويشێد: فلاديمير پۆتين سه‌رۆك روسيا قه‌وڵ وه‌كارهاوردن چه‌ك ئه‌تۆمى داگه له حاڵه‌تيگ ئه‌گه‌ر هه‌وه‌جه كريا دژ وڵاته‌يل يه‌كگرتگ باريه‌ێده كار و له حاڵه‌تيگ ئه‌گه‌ر ئه‌مريكا مووشه‌كه‌يلێ له ئۆرپا بڵاو بكا دوياى له‌ناوچگن په‌يماننامه‌ى داناين مه‌رز ئه‌را بڵاوبوينه‌وه‌ى مووشه‌كه‌يل ئه‌تۆمى.
بارفێت باس له‌وه كرد ك پۆتين له وتار ساڵانه‌ى له‌باره‌ى حاڵه‌ت وڵاته‌گه وتگه: بڵاوكردنه‌وه‌ى مووشه‌كه‌يل وڵاته‌يل يه‌كگرتگ تواناى ره‌سين وه‌ناو خاكه‌يل رووسى ديرێدو يه‌يش ئه‌دێده هووكار ئه‌وه‌گ له ماوه‌ى 12 ده‌قه كريملن جواوێ بيه‌ێده‌و.