شه‌فه‌ق نيوز/ بارودوخ ئابوورى خراو و به‌رزه‌وبوين نرخ ته‌ڵا له ئيران ك ره‌سيه‌سه زياتر له 4 مليۆن ريال، ناچار ئيرانيه‌يه‌يل كردگه ده‌ربچن وه‌ره‌و ده‌يشت وڵات ئه‌را ئه‌وه‌گ هاوسه‌رگيرى ئه‌نجام بيه‌ن وه بوونه‌ى ئه‌وه‌گ تواناى داين ماره‌يى له ئيران نه‌يرن.
له‌ى باوه‌ته‌و، فامه زولقه‌ده‌ر ئه‌ندام په‌رله‌مان له ئه‌نجومه‌ن شوراى ئسلامى، ئه‌وه ده‌رخست ك زيايبوين نرخ ته‌ڵا هووكاريگ فشارخستنه له‌بان هاووڵاتيه‌يل ئه‌را ئه‌وه‌گ وڵات وه‌جێ بيلن وه‌ره‌و ده‌يشت وڵات له‌وه‌ر داين ماره‌يى.
ئه‌و ئه‌ندام په‌رله‌مانه هه‌ميش وت: جى داخه ئى كيشه په‌ره سه‌ندگه وه بوونه‌ى به‌رزه‌وبوين نرخ پويل نيشتمانى وه‌رانوه‌ر دۆلار و له‌ئاكام ئه‌وه‌يش نرخ ته‌ڵا و كاڵايه‌يل تر فريه به‌رزه‌و بويه‌و جايه‌ڵه‌يليش توانى داين ماره‌يى نه‌يرن و هه‌ر وه‌و خاتريشه روێ له ده‌يشت وڵاته‌گه ئه‌كه‌ن.