شه‌فه‌ق نيوز/ رووژنامه‌ى سه‌نداى تايمز باوه‌تيگ له‌بان روێداگه‌يل له هه‌رێم كه‌تالۆنياێ ئسپانى وه‌ناونيشان"سه‌رۆك په‌رله‌مان كهتالۆنى ملايملێ مه‌درێد ئه‌كا وه بوونه‌ێ هاوردنه‌وه‌ى سه‌ركرده‌ى دويره‌وخرياێ هه‌رێم ئه‌را پۆسته‌گه‌ێ".
رووژنامه‌گه له روێداگيگ كۆميدى تاريف وجوود سياره‌ێ پۆليس له‌وه‌رده‌م باره‌گاى په‌رله‌مان كهتالۆنى و يه‌كيگ له پياوه‌يل پۆليس ك له مه‌دريده‌و هاتنه ئه‌را گرتن كارلس بودجيمون سه‌ركرده‌ى هه‌رێم ئه‌كاو ئويشێد: بودجيمون له هه‌ر له‌حزه‌يگ وه ماتۆڕيگه‌و له برۆكسل ئه‌ڕه‌سێد.
رووژنامه‌گه باس له‌وه‌يش كردگه كه رۆجه‌ر تۆرنت سه‌رۆك په‌رله‌مان ئه‌و باره وه‌دڵێ نيه‌و جوور گه‌ميگ په‌سه‌ن تماشاێ ناكاو ئه‌و پياوه خوه‌ى له دڵ جه‌نگ سياسى دوينێده‌و دوياى هه‌ڵوژاردنى وه سه‌رۆك په‌رله‌مان هه‌رێمى ئه‌را كه‌تالۆنيا له شوون واين بودجيمون ئه‌را به‌لجيكاو باس له‌وه‌يش كرد ك ئه‌ندامه‌يل په‌رله‌مان رووژ سێشه‌ممه‌ى ئاينده‌يش ده‌نگ له‌بان پرووژه بڕيار هه‌ڵوژاردن بودجيمون ئه‌يه‌ن له پۆست سه‌ركردى حكومه‌ت هه‌رێمى ك يه‌يش له‌يوا ئه‌كا مه‌دريد چه‌وديرێ راسه‌وخۆ بچه‌سپنێد له‌بان غه‌داره‌ێ هه‌رێم.