شه‌فه‌ق نيوز/ شوفێر ئۆتۆمبێليگ له ولايه‌ت كاليفۆرنياێ ئه‌مريكى تومه‌تيگ وه‌پيا كريا له‌وه‌ر هه‌وڵ پيشكه‌شكردن پشتگيرى ئه‌را تيرۆريسته‌يل له‌ڕێ داناين پلانيگ ئه‌را په‌لامارداين كه‌سه‌يليگ له شوونيگ قه‌ره‌باڵغى له سان فرانسيسكۆ وه‌رجه جه‌شنه‌يل سه‌رساڵ.
له‌ى باوه‌ته‌و، دادگا باس له‌وه كرد ك ئيفرێت ئارۆن جيمسۆن(26 ساڵان) ك يه‌كيگ بويه له هيزه‌يل پياده‌ى ده‌رياوانى ئه‌مريكى ئاگادار مورشيديگ نهێنيكار له نويسينگه‌ى په‌يجوريه‌يل ناوه‌ندى كردگه ك نياز په‌لامارداين ديرێد له به‌رژه‌وه‌ندى ريكخرياگ داعش و هه‌ناى ك وشكاننكاره‌يليش ده‌س كردنه‌سه وشكانن ماڵ جيمسۆن له موديستر له خوه‌رهه‌ڵات سانفرانسيسكۆ چه‌ن چه‌ك و ته‌قه‌مه‌نييگ دينه‌سه‌و وه‌ل به‌ڵگه‌يگ ك له‌تى نويسياوێد "بژيه‌ێد داعش".
جى باسه، جيمسۆن تومه‌ت داناين پلان وه‌پيا كريا ئه‌را وه‌كارهاوردن ته‌قه‌مه‌نى له كنار جاده‌ى 39 له سان فرانسيسكۆ ك شوونيگه قه‌ره‌باڵغ و كه‌سايه‌تيه‌يل فريه‌يگيش روێ له‌و شوونه ئه‌كه‌ن.