شه‌فه‌ق نيوز/ پارت كارگه‌ره‌يل كوردستان، هه‌ڕه‌شه‌ى تونيگ كرد له حاڵه‌تيگ ئه‌گه‌ر توركيا كرده‌وه‌ێ سه‌ربازى دژ كورد بيه‌ێد له ناوچه‌يل باكوور سوريا.
له‌ى باوه‌ته‌و، كاوه شێخ كووسا ئه‌ندام ره‌سانن پارته‌گه ئه‌را سبوتنيك له جواو قسه‌يل ره‌جه‌ب ته‌يب ئه‌ردۆغان سه‌رۆك توركى له‌باره‌ى كرده‌وه‌ێ سه‌ربازى له خوه‌رهه‌ڵات فورات وت: له‌ناو توركياوه وه تونى جواو هه‌ر كرده‌وه‌يگ سه‌ربازێ ئه‌يه‌يمنه‌و حاڵه‌تيگ ئه‌گه‌ر توركيا كرده‌وه‌ێ سه‌ربازى دژ كورد بيه‌ێد له ناوچه‌يل باكوور سوريا.
شێخ مووسا هه‌ميش وت: بورۆمانه‌يل توركيا له هه‌رێم كوردستانيش ته‌نيا هه‌ر بنگه‌يل په‌كه‌كه ناگرێده ئامانج، به‌ڵكوو ئاوايه‌يل تايفه‌ى ئێزيدييش له شنگاڵ و مه‌خموريش گرته‌سه ئامانج ك ئاوايه‌يليگن له‌ژير ده‌سڵات حكومه‌ت عراقى.