شه‌فه‌ق نيوز/ فيدريكا موغيرينى وه‌زير خارجيه‌ێ يه‌كێتى ئۆرپا، چه‌سپانن سزايه‌يل تازه‌يگ له‌بان كۆرياێ باكوو ته‌مامكه‌ر سزايه‌يل نه‌ته‌وه‌يل يه‌كگرتگه ئه‌را بان ئه‌و وڵاته، ئه‌ويش له‌وه‌ر جواودانه‌وه‌ێ تاقيكردن ئه‌زموونه ئه‌تۆميه‌گه‌ێ ئى دوياخريه ك ئه‌نجامى داگه.
موغيرينى له وه‌خت ره‌سينى ئه‌را ئستونيا له‌وه‌ر به‌شداريكردن له دانيشتن وه‌زيره‌يل وه‌رگرێ و دوياێ ئه‌وه‌يش وه‌زيره‌يل خارجيه‌ێ ئۆرپێ وت: ئمڕوو پيشنياريگ ئه‌خه‌مه وه‌رده‌م وه‌زيره‌يل ئه‌را ئه‌وه‌گ رووژه‌يل ئاينده كار له‌بان سزايه‌يل تازه‌ێگ بكه‌ن له‌لايه‌ن يه‌كێتێ ئۆرپاوه ئه‌را چه‌سپاننى له‌بان كۆرياێ باكوور.
جى باسه، يه‌كشه‌ممه‌ێ گوزه‌يشت كۆرياێ باكوور نگه‌ران ده‌وڵه‌ته‌يل جه‌هان كرد هه‌ناێ وت: قومبه‌ڵه‌ێ هه‌يدرۆجينى ئه‌خه‌يمنه بان مووشه‌كه‌يل دويرماوه.