شەفەق نیوز - واشنتۆن

رووژنامەی "وول ستریت جۆرناڵ"، ئمڕوو شەممە، لە زوان سەرچەوەیل ئەمریکی خەوەر دا  وەزارەت جەنگ بڕ زەرەدەیل کەفتیە لە بنکەیل سەربازی لەماوەی جەنگ ئیران وە نزیکەی 5 ملیار دۆلار مەزەنە کریاس.

سەرچەوەیل ئەرا رووژنامەگە دیاریکردن  تێچگ جەنگ وەگەرد ئیران رەسیەسە 47.1 ملیار دۆلار تا 16 تشرین یەکەم/ئۆکتۆبەری ئیسە.

رووژنامەگە سەرنج دا سوپای ئەمریکی بڕیگ لە هێزەیلی لە چەن شوونیگ کێشایەسەوە، لە سا ئەوەگ سەرۆک ترەمپ هویر ریخسن شەپوول نوویگ لە پەلامارەیل ئەرا بان ئیران کەێد، ئەرا وەرگری لە هەر رخداریگ ئەرا کردارەیل تۆڵەسەنن ئەگەری.

ئیە لە وەختیگ تێد کە دڵەراوکی گڕێدە وەرپرسەیل "پێنتاگۆن" لەوەگ رژێم ئیرانی بڕیگ لە مووشەکەیل پێشکەفتگی خوەی پاراستیە، کە شایەت توانایی بەێدە پێ ئەرا جیوەجیکردن پەلامارەیل کاریگەڕتر لە خول ئایندەی جەنگەگە.

وەپای زانیارییەیل "پێنتاگۆن"، زیاتر لە 20 سەرباز ئەمریکی مردنە لە رویداوەیل بەسیاگ وە جەنگ وەگەرد ئیران لە وەخت دروسبوینی لە 28 شوبات/فێبراوەر. هەمیش زیاتر لە 400 کەس ترەک زەخمدار بوین وەرجە شکیان ئاگربەس  لە تەموز/جوولای، کە ئیە ئەو وەختەس کە لەدوای ئەوەگ حکومەت بڵاوکردن ئامار زەرەدەیل گیانی بەسیاگ وە ئی جەنگە بڵاوکرد.

رووژنامەگە دەرئەنجام  مەزەنەیل دوایی ئەرا تێچگ جەنگ وەگەرد ئیران رەسیەسە 47.1 ملیار دۆلار، تا  16 تشرین یەکەم/ئۆکتۆبەر.

ئی شمارە زەرەدەیل کەفتیە لە بنکەیل سەربازی ناگرێدە خوەی، کە پێنتاگۆن -لە مەزەنەیل جیاوازیگ- وە کەمتر لە 5 ملیار دۆلار مەزەنەی کردیە.

وەپای سەرچەوەیگ ترەک کە ئاگادار هویردەکاری تێچگە، شایەت ئی شمارەیلە بڕەسێد ئەرا 15 ملیار دۆلار.