شه‌فه‌ق نيوز/ سێ كه‌س له‌وانه‌گ خزيان له‌بان وه‌فر ئه‌كه‌ن له نه‌مسا له‌ئاكام وه‌فر وارين فريه‌يگ گيان له‌ده‌سدان، يه‌يش له‌وه‌ختيگ بريگ له ناوچه‌يل وڵاته‌گه تواناى هاتوچوو له‌تيان نه‌مه‌ندگه وه‌بوونه‌ى وه‌فر وارين.
ده‌سڵاته‌يل ئه‌و وڵاته باس له‌وه كردن ك دوكه‌س ئه‌ڵمانى گيان له‌ده‌سدانه له ناوچه‌ى وه‌فراوى فورارلبيرگ و يه‌ك كه‌سيش سلۆفينى له ناوچه‌ى سالزبۆرگ و يه‌يش ناڕه‌حه‌تى فريه‌يگ دروس كردگه له‌لاى مه‌ردم ئه‌و ناوچه‌يله.
ده‌سڵاته‌يل نه‌مسايى باس له‌وه‌يش كردن ك ته‌رم دووان له‌و گه‌شتكه‌ره‌يله دوينرياسه‌و، وه‌لێ هيمان شماره‌يگيش بيسه‌رو شوونن له‌ئاكام وه‌فر وارين فريه‌يگ له سه‌رانسه‌ر وه‌ڵاته‌گه‌و بويه‌سه هووكار به‌سيان ڕيه‌يل، يه‌يش له‌وه‌ختيگ له ناوڕاس هه‌فته‌ى گوزه‌يشت وه‌فر وارين فريه‌يگ ده‌س وه‌پيكرد له‌ناوڕاس و باكوور وڵاته‌گه.