شه‌فه‌ق نيوز/ حاكم ديموكراتى ولايه‌ت كاليفۆرنياى ئه‌مريكى، بڕياريگ ده‌ركرد له‌تى نواگيرى له دۆناڵد تره‌مپ سه‌رۆك ئه‌كا خوه‌ى ئه‌را ولايه‌تيگ تر له هه‌ڵوژاردنه‌يل كانديد بكا له حاڵه‌تيگ ئه‌گه‌ر بڕياره‌يلى له‌باره‌ى باجه‌يله‌و بڵاو نه‌كا.
له‌و باوه‌ته‌و, حاكمه وڵايه‌ت كاليفۆرنيا له به‌ياننامه‌يگ وت: له‌ى وه‌خته‌يل جياوازه پابه‌ندبوين ياسايى و ئه‌خلاقى ئه‌كه‌فێده بان شان وڵاته‌يل يه‌كگرتگ ك گشت هه‌وڵيگ بيه‌ن ئه‌را زه‌مانه‌تكردن ئه‌وه‌گ گشت ئه‌و سه‌ركرده‌يله ك كانديد ئه‌كريه‌ن ئه‌را وه‌رگرتن باڵاترين پۆسته‌يل وڵات بايه‌سه پێوه‌ره‌يل ته‌واويگ داشتوون، يه‌يش له‌وه‌ختيگه ك ديموكراتخوازه‌يل ئه‌را ماوه‌ى فريه‌يگه ره‌خنه له تره‌مپ ئه‌گرن له‌وه‌ر ئه‌وه‌گ بڵاوكردنه‌وه‌ى بڕياره‌يل باج ره‌ته‌و ئه‌كاو يه‌يش چه‌واشه‌ى ره‌فتاره‌يل گشت سه‌رۆكه‌يل وه‌رجه خوه‌ى بويه وه دريژايى چوار ده‌يه‌ى گوزه‌يشت.
جى باسه، زويتريش رووژنامه‌ى نيويۆرك تايمز ئه‌وه ده‌رخست ك شيه‌وكردن تۆماره‌يل به‌رژه‌وه‌ندى باجه‌يل ئه‌وه ئاشكرا كردگه ك تره‌مپ باس له‌وه كردگه قه‌واره‌ى زه‌ره‌ده‌يل ره‌سيه‌سه نزيكه‌ى 1,2 مليار دۆلار له‌ناونى ساڵه‌يل 1985 و 1994.