شەفەق نيوز- نیودیلهی

 پولیس هندستان، پیاییگ دەسگیر کرد، وە توومەت وەڕیەوبردن باڵیۆزخانەیگ درووکانی لەناو ماڵیگ نزیک نیودیلهی، کە ماڵەگە وەکرا کردگە، و کەسەیلیگ خەڵەتانیە کە مینەی کار کەن، و پویل لەلییان سەنیە وەرانوەر پەیمان وەکارخستنیان لە دەیشت وڵات.

 پولیس وت: هارش فاردان جاين (47 ساڵە) باڵیۆزخانەی "جەمسەر باکوور خوەرئاوایی" لە لەناو ماڵیگەو لە غازی ئاباد لە ویلایەت ئەوتار براديش لەشان پایتەخت وەڕیەو بردگە.

پولیس وتیش: جاین وتیە گوایە خوەی باڵیۆز دەوڵەتەیلیگ درووکانیە جویر "جەمسەر باکوور خوەرئاوایی، وسابورغا، وبولفيا، ولودونيا".

وتیش: وە ماشینەیلیگ هامشوو کردگە تابلۆی دیبلۆماسی درووکانی وەپییانەو بویە، و وینەیلیگ درووکانی ئەرا خوەی بڵاو کردیاد وەگەرد سەرکردەیلیگ هندی تا مەردم وەپی بڕوا بکەن.

لە دەسناین وەبان ماڵەگەی جاین، پولیس وت: 53500 دۆلار کاش و پاسپۆرت و موهرەیل درووکانی پەیا کردگە.