شەفەق نیوز/ ٦ کەس لەناو ماڵیگ لە دووڵ کشتوکاڵی لە ویلایەت کالیفۆرنیای ئەمریکا، وەگولە بوینە قوربانی، لە کوشتاریگ ک دەسەڵاتەیل وەپی وتن پەلامار ئامانجکریاگ، و کوشتار دڵتەزن.
دویەتیگ کوورپە لە تەمەن شەش مانگان، لە باوەش داڵگی لەتەمەن ١٧ ساڵان، ئەوانیش لەناو قوربانیەیل ئەو پەلامارە بوین.
مایک بودرو سەرۆک پولیس ناوچەی تولاری وت: ئی رویداوە پەیوەندی وە بازرگانیکردن وە هوشبەری دیرێد، ک ئەو ماڵە لە هەفتەی گوزەشتە فەرمان وەشکینی لە هوشبەری دەرچگ.
وتیش: دووان لە توومەتبارەیل هیمان نەگریانە.
دەسەڵاتەیل ئاگاداری لە ژنەفتن دەنگ تەقە کریان، تا دویای ئەوە چەن قوربانییگ لەناو جادە پەیا کردن، و بڕیگیش قوربانی لەناو ماڵەگە.
بودرو وتیش: یەکیگ لە قوربانیەیل وەگیان بوی، وەلێ لەناو خەسەخانە گیانی لەدەسدا.
ئەو پەلامارە لە ناوچەیگ کشتوکاڵی بوی ک ٥٤٠٠ کەس هاناوی، لەناوبەین لۆس ئانجلەس و سان فرانسیسکۆ.