شەفەق نیوز/ وەرپرس ئیدارەی کارەساتەیل، ئمڕوو شەممە، راگەیان، شمارەی مردنەیل لەئەنجام زەویلەرزەگەی دویەشەو جومعە، لە فلیپین بەرزەوی بی ئەرا شەش کەس و دەسڵاتدارەیل مینەی دوو کەس کەن کە بی سەروشوینن.
ناوەن پەڵمانی لێکۆڵینەوەیل زانست زەویناسی وت؛ زەویلەرزەگە لە دورگەی میندانا لە قویلەی 60کم رویدایە، دەسڵاتدارەیل راگەیانن زەرەد وە شمارەیگ بینا رەسیە.
ئەجربینۆ داسیرا، وەڕێەوبەر نویسینەی کارەساتەیل شار جنرال سانتۆس لە هەرێم ساوس کوتاباتو، وت: پیاویگ و ژنەگەی مردنە وە رمیان دیواریگ کۆنکرێتی هەمیش ژنیگتر مردیە لەناو سەنتەر بازارکردن شارەگە.
ئەنجێل دوجادووجا، وەرپرس کاردانەوەیل کارەساتەیل لە شارۆچکەی جلان کناراوی وە رۆتەرز وت، لە هەرێم سارانجانی پیاویگ مینەی قورتارکردن دوو کەس کەێد کە مەوقەی داڕمیان زەوی گومبوینە.
هەمیش لەناوچەی دافاو ئۆکسدێننێل پیاویگ 78 ساڵان مردیە، لەئەنجام کەفتن سەنگیگ وەبانی، وەرپرس کارەساتەیل وتیش خزمەتگوزاری کارەبا گلەوخواردیە فرەیگ لە ریگەیلە کار لەلیان کرێد.