شەفەق نیوز- کۆلۆمبۆ

وەزیر ئاسایش گشتی لە سریلانکا ئاناندا ویجیبالا، ئمڕوو جمعە، ئاشکرای  کوشیان سێ زیندانی و زەخمداربوین 23 کەس ترەک کرد، لە مەوقەی تەقەلایەیل واین لە زیندان سەرەکی لە کۆلۆمبۆ و لە دوو دامەزراوەی چاکسازی ترەک.

 ویجیبالا، لە نوای پەرلەمان سریلانکی، وت کە زیندانییگ کوشیا و دە کەس ترەک زەخمدار بۊن ئیوارەی پەنجشەممە لە زیندان ویلیکادا لە پایتەختەگە، وەختیگ پاسەوانەیل تەقەلای واین نزیکەی 40 زیندانی پۊچەڵ کردن.

و دیاری کرد کە کارەیل تونوتیژی سەر هەڵدان لە زیندان کۆرویتا کە کەفتەسە دۊری نزیکەی 80 کیلۆمەتر لە باشوور خوەرهەڵات پایتەختەگە، کە بۊە مدوو کوشیان دوو کەس و زەخمداربوین 13 کەس.

 ویجیبالا راگەیان کۆنترۆڵکردن رەوشەگە لە زیندانەگە لە کۆلۆمبۆ، و سەدان لە سەربازەیل و ئەندامەیل هیزەیل پولیس تایبەت بڵاو کریان، و دیاری کرد کە "هیزەیل ئاسایش هەرلیوا لەی زیندانە بڵاو کریان و سیستەم گلەو دریا".

 وەزیر ئاسایش گشتی وتیش: "ئیمە  شیوازیگ دووارەبۊگ لەی رۊداوەیلە نووڕیمنە و گومان لە بۊیین پیلانیگ دیریمن"، وە بی زیایکردن هۊردەکاریەیل.

و لە ساڵەیل دۊایی، دە پاسەوان و 23 زیندانی کوشیانە، لە کارەیل ئاژاوەی جیاجیا لە دوو زیندان ترەک کە کەفتنەسە دەورگرد کۆلۆمبۆ، کە دەسەڵاتەیل ئۊشن، کە بەرزەوبوین گرژیەیل گلەو خوەێد ئەرا قەرەباڵغی زیندانەیل کە نزیکەی چوار ئەوەنەی توانای لەخوەیگردنیان لەناویە.