شەفەق نیوز- وەدویاچگن

دوو کەس گیانیان لەدەسدان و 17 کەس تر زەخمدار بوین، ئمڕوو پەنجشەممە، لە ئەنجام رمیان بینایگ سێ نهۆم لە گەڕەک فلاتبوش لە ناوچەی بروکلین لە شار نیویۆرک ئەمریکی، لە وەختیگ تیمەیل فریاکەفتن وەردەوامن لە گەردین وەدویای کەسەیلیگ ک ئەگەر هەس لە ژیر داروپەردووەگە گیر کردوین.

وەرپرسەیل شارەگە وتن چوار لە زەخمدارەیل لە بارودۆخیگ سەختن، و 12 کەس تر بارودۆخیان جێگیرە، وەرد دیاریککرد  ئەرا ئەوەگ وە لانیکەم هەفت مناڵ لە ناو زەخمدارەیلن، وەپای تووڕ "سی. ئێن. ئێن" ئەمریکی.

رمیانەگە نزیک سەعات چوار ئیوارەی چوارشەممە وە وەخت نیویۆرک (12:00 شەوەکی پەنجشەممە لە بەغداد) رویدا، لە وەختیگ دیمەنەیل شوینەگە تیمەیل کپەوکردن نیشان دان کە کەسەیل لە ژیر لاوارەیل درارن و  ئەرا دەیشت بیناگە بەنەیان.

تیمەیل فریاکەفتن هێمان رویوەرویبوین نیگەرانی رمیان بەشەیل تر بیناگە بوین، ک وەرەو شوین بیناسازییگ هاوسای کەفتگە، کە بویە مدوو گیرکردن کەسەیلیگ لە هەر دوو شوینەگە، لە وەختیگ بەرپرسەیل ئۆپەراسیۆنەیل گەردین وە فرە رخدار وەسف کردن.

وەپای توومارەیل شارەگە، بیناگە لە ساڵ 1930 دروس کریاگە، و لە سێ قات پێک هاتگە، و چوار یەکەی نیشتەجیبوین و یەک یەکەی بازرگانی لەخوەی گرێد، و (ئاسانسۆر) نەیرێد.