شەفەق نیوز/ ٢٩ کەس لەلای کەمەو کوشیان، و ٨٥ کەسیش زەخمدار بوین، وە رویداو لەیەکداین دوو قەتار لە شار لاریسا ناوڕاس یۆنان، شەو سێشەممە/ چوارشەممە، وەگورەی راگەیانن تیم ئاگرکپەوکردن.
فاسلیس فاسراکویانیس قسەکەر وەناو تیمەگە، ئمڕوو چواڕشەممە، وت: ٢٩ کەس وە مردگی پەیا کردیمن، و ٨٥ کەسیش زەخمدارە بریانە خەسەخانەی ناوچەگە، و کارەیل رزگارکردن هیمان وەردەوامە.
ئەو رویداوە کەفتە ناوبەین قەتار باریگ وە گەرد قەتاریگتر ٣٥٠ کەس لەناوی بوینە، لە کاروانیگ ناوبەین ئەسینای پایتەخت و شار تیسالونیکی باکوور خوەرھەڵات وڵاتەگە.