شەفەق نیوز/ راپۆرتەیلیگ رووژنامەوانی باس کەفتن قوربانی و زەخمدار لەوەر تەقینەوەیگ کردن ک ئمڕوو جمعە، مزگەفتیگ شیعە لە شار قەندەهار باشوور ئەفغانستان لەرزان.
میدیایل راگەیانن ناوخۆیی و ناودەڵەتی وتنیش: تەقینەوەگە لەناوڕاس بڕێ لە نماز کەرەیل ناو مزگەفتەگە بۊی،و هەکاتی تەقینەوەی وەرجە هەفتەیگ لە مزگەفتیگ تر لە شار خان ئاباد لە ویلایەت قندوز بۊی، ک گیان نزیکەی ١٢٠ کەس لەناو برد.
ئاژانس نوفوستی رووسی لە سەرچەوەیگ ناوخۆیی وت: باس تەقینەوەی خوەیکوشتن کریەێد و بۊیەسە هووکار بڕێ لە کوشیان و زەخمداری. ئاژانس ئامانج نیوز ئەفغانی یەکەم وێنەیل شۊن رووداوەگە بڵاو کرد.