شەفەق نیوز - مۆسکۆ
ئمڕوو سێشەممە، خوەنەواریگ قۆناغ ناوەندی لە نزیک شار مۆسکۆ وە چەقوو پەلامار خوەنەوار ترەک دا، وەپای زانیاریەیل سەرەتایی و وەپای میدیایەیل کە لە خزمەتگوزارییەیل فریاگوزاریەیل گواستیە، پەلامارەگە بویەسە مدوو کوشیان و زەخمداری چەن کەسیگ.
راپۆرتەیل دیاریکەن "خوەنەوارەیل لە بینای مەکتەوەگە دراوریانە" ، و لە وەختیگ شایەتحالیگ وە ئاژانس "نۆڤۆستی" راگەیاندیە کە "پاسەوان ئاسایش مەکتەوەگە زەخمداربویە".
ڤیدیۆیگ بڵاوکریاس کە ساەوەخت پەلاماردەرەگە نیشان دەێد مەوقەیگ ماشین فریاگوزاری و پۆلیس رەسینەس شوین رویداوەگە.
وەپای سەرچەوەیگ ئەمنی "ئەنجامدەر کردەوەی چەقووکیشانەگە خوەنەوار پۆل نۆیە و تەمەنی 15 ساڵە".
لە وینەی مەوقەی دەسگیرکردن هێرشکەرەگە نیشاندەێد "دڵنگیگ پوشیە لەبانی نویسریاگە: No lives matter (هویچ ژیانیگ گرنگ نییە)، کە ناو ڕێکخراویگە بانگەشە ئەرا توندوتیژی و تیرۆر و وێرانکردن مرۆڤایەتی کەێد".
وەپای زانیاری سەرەتایەیل کوشیاگە خوەەوار پۆل چوار بویە.