شەفەق نیوز/ میدیایل ئیرانی باس کوشیان کەسیگ و کەفتن چوار زەخمدار لەلای کەمەو لەناو ئاگر پاڵاوگەیگ نەفتی باکوور ئەهواز.
مدوو ئەو ئاگرە کە دویەشەو سێشەممە لەبان چوارشەممە هیز گرد ئاشکرا نەوی، کە ئاژانس "فارس" وت؛ لەناو یەکیگ لە تانکیەیل سزەمەنی لە پاڵاوگەی پتڕۆ پارس شوشتەر هێز گرد، و تەقەلای کپەوکردنی دریەێد.
ئاژانسەگە وتیش: لێکۆڵینەوە لە مدوو هیزگردن ئاگرەگە وەڕیەو چوود، لە وەختیگ مەزەنە کریەێد ماشینیگ بارهەڵگر داگە لە تانکی سزەمەنی.
ئی ئاگرە دویای هەڕەشەی ئیسرائیل وە پەلاماردان دامەزراوەیل نەفتی لە چوارچیوەی وەڵامدان لەبلاو پولامارەیل مووشەکی ئیران وەباتن شارەیل ئیسرائیل لە هەفتەی گوزەشتە.