شەفەق نیوز/ وەزارەت تەندروسی وڵات میسر، ئمڕوو سێشەممە، کوشیان و زەخمداری ٨ کەس راگەیان لە ئەنجام رمیان بینایگ لە قاهیرەی پایتەخت.
وەزارەتەگە وتیش؛ وەزیر تەندروسی چەودیاریکردن لە پیشکەشکردن خزمەتگوزاری فریاکەفتن و پزشکی ئەرا زەخمدارەیل رویداو بینایگ لە گەڕەک وایلی کەێد.
وتیش: ٩ ماشین فریاکەفتن ئەرا شوین رمیان ئەو بینا کلکریا.
هەمیش وت: لە ئاماریگ سەرەتایی، ٣ کەس زەخمدار بوینە و ٨ کەسیش لەی رویداوە مردنە.
ئەو بینا کە رمیاگە ٨ قاتە، لە ناوچەی گەڕەک وایلی، لە پارێزگای قاهیرە.
لەلای خوەییش: میدیایل میسری وتن: رمیان ئەو بینا لە ناوچەی وایلی بویە هوکار زەخمداری چەن کەسیگ کە ئەرا خەسەخانەیل نزیک بریان، و پیاوەیل رزگارکردن وەردەوامن لە مینەکردن کەسەیلیگ لە ژیر رمیایەگە.