شەفەق نیوز/ ٣٥ کەس گیانیان لەدەسدان، و نزیکەی ٤٥ کەسیش لە ئاگر ناو کلیسەی ئەبو سێفەین لەناوچەی ئەمبابە لە وڵات میسر زەخمدار بوین، وەگەرد تەقەلایگ لەلایەن پیاوەیل مقەیەتیکردن شارەگە ئەرا کپەوکردن ئاگرەگە.
رۆیتەرز وت: ئاگرەگە بویە هووکار کوشیان ٣٥ کەس لەلای کەمەو و ٤٥ زەخمدار.
لە هویردەکارەیل، وەڕێەوبەرایەتی ئاسایش جیزە ئاگادارییگ لە ئاگر ناو کلیسەی ئەبو سێفەین لەناوچەی ئەمبابە وەرگرد، و پیاوەیل مقەیەتیکردن شارەگە ئەرا شوین رویداوەگە کلکرد، ودەرکەفت ک کلیسەگە ئاگر گردیە.
هەرلیوا، ماشینەیل فریاکەفتن روی وەرەو شوینەگە کرد تا زەخمدارەیل بڕەسنە خەسخانە.
وەزارەت تەندروسی میسر وت: ٥٥ زەخمدار لە ئاگر کلیسەگە ئەرا خەسەخانەیل هاوریان، و دیرن هەژمار مردگەیل کەن.
حوسام عەبدولغەفار قسەکەر فەرمی وەزارەت تەندروسی میسر وت: ٣٠ ماشین ئەرا بردن زەخمدارەیل وەرەو خەسەخانە کلکریا.
وتیش: گشت زەخمدارەیل ئەرا خەسخانەی گشتی ئەمبابە، وخەسەخانەی عەجوزە بریان.