شەفەق نیوز/ رووژنامەی دەیلی ستار، خەوەردا لە کوشیان ٢٢ کەس و زەخمداری ٢٠ کەس ترەک لە وەردەوەردەی ناوەین پیاوەیل ئاسایش و ناڕەزایەیل لە ناوچەیل جیاسایگ لە بەنگلادیش، لە وەختیگ حکومەت قەیەغەی هامشوو لە وڵاتەگە چەسپان.
رووژنامەگە وتیش؛ ناڕەزایەتی لە پایتەخت وڵات و دەورگردی هەڵسیا دویای راگەیانن ناهاوکاری وەرک دەسەڵاتەیل بزووتنەوەی خوەنەوارەیل دژوە دووچەوەکی، لە رووژ یەکشەممەو، و ناڕەزایەیل داوای دەسکیشان حکومەت ئیسە کردن، و وەردەوەردە رەسیە ئاژاوە و رەسیە کوشیان ٢٢ کەس لەلای کەمەو و زەخمداری دەیان کەس.
حکومەت بەنگلادش قەیەغەی هامشوو لە دەکا و شارە گەورەیل وڵاتەگە راگەیان هەرلە ساعەت ١٨:٠٠ تا بانگوازیگ ترەک، و رووژەیل دووشەممە و سێشەممەی و چوارشەسەممە لە گشت وڵاتەگە کردە پشوو.
وەکارهاورەیل مۆبایل رینمایی لەلایەنەیل فەرمی ئەرایان هات کە ئەوەسا ئەنتەرنێت بڕن.