شەفەق نیوز/ حاکم پارێزگای غازی عەنتاب، ئمڕوو شەممە، کوشیان ١٥ کەس و زەخمداری ٢٢ کەسیش وە رویداویگ هاتوچو وەگەرد ماشینیگ فریاکەفتن راگەیان.

داود گول لەبان تویتەر نویسان: ١٥ لە هاووڵاتییەیلمان گیانیان لەدەسدان، و ٢٢ کەسیش زەخمدار بوین، لەناو ئەو رویداوە لەناوبەین پاس گەورەیگ و تیم رزگارکردن و ماشینیگ فریاکەفتن لەبان ری زوینەی ناوبەین غازی عەنتاب و نیزیب. 

ئاژانس خەوەری تورکیا "ديميرورين" وت: پاسیگ گەورە لەبان ری زوینە دالە ماشینیگ فریاکەفتن و ماشینیگ ئاگرکپەوکردن و ماشین تیمیگ رووژنامەوانی ک گشتیان روی وەرەو شوین رویداویگتر کردوێن. 

داود وتیش: سێ ئەندام ئاگرکپەوکردن و دوو کادر تەندروسی و دوو رووژنامەوانی لەناو کوشیایل بوین، وەگورەی "فرانس برس".