شەفەق نيوز/ سەرچەوەیلیگ پزشکی لە کەرت غەززە، ئمڕوو سێشەممە، خواردن لە هەڵگردن لاشەی 23 کوشیاگ و زیاتر لە 200 زەخمدار لە ئەنجام گورز و تەقەکردن وەبان هاوڵاتییەیلیگ کە لە وەردەم بنکەی دەسمیەتیدان ئەمریکی خوەرئاوای شار رەفەح گردەو بوین.

وەرژەیە میدیایەیل فەلەستینی خەوەردان لە کەفتن زیاتر لە 15 کوشیاگ و شمارەیگ لە زەخمدارەیل لە ئەنجام تەقەکردن سوپای ئیسرائیل وەبان ئاوارەیل مەوقەی چەوڕیکردن دەسمیەتیەیل ئەمریکی خوەرئاوای رەفەح.

میدیایەیل وتنیش: زیاتر لە 6 کەس کوشیان و کەسەیلیگ زەخمدار بوین لە ئەنجام گورز ئیسرائیل وەبان چادر ئاوارەیل لە ناوچەی ئەسدا خوەرئاوای خان یونس و ناوچەی بەرەکە.

 لەلای خوەییش، ئاژانس وەفای فەلەستینی خەوەردان لە کوشیان 5 فەلەستین شەو دووشەمە وە گورزیگ ئیسرائیل لە شار غەززە.

وتیش: هیزەیل ئیسرائیل پەلامار ماڵ خیزانیگ دانە لە باشوور شار غەززە، کە بویە هوکار کوشیان 5 کەس و زەخمداری کەسەیلیگ ترەک.