شەفەق نیوز - تۆکیۆ
سێ کەس گیان لەدەس دان و دوو کەس ترەک بیسەروشوین بۊن وە مدوو زریان "دوجوان" کە داگە کەناراوەیل ناوڕاس زەریای هێمن لە دوڕگەی "هۆنشۆ"، کە دوڕگەی سەرەکییە لە یابان.
پۆلیس لە هەردگ پارێزگای "کاناگاوا" و "چیبا"ی زەرەدمەن، کە کەفنە شان تۆکیۆ، خەوەردا کە سێ کەس گیان لەدەس دانە وە مدوو رمیان زەوی کە لە وارانەیل تۊنیگەو کەفتنەسەو و بۊنەسە مدوو لافاوەیلیگ فراوان.
وتیش کە هەرچەن رەوشەیل کەشوهەوا خاسەو بۊنە، هیمان خزمەتگوزارییەیل کڕ ئاسن لەبان شمارەیگ فرە لە کڕەیل لە ناوچەی تۆکیۆ وسیاس، لە وەختیگ کارەیل وەشکین ئەرا رێڕەوەیل و ئامێرەیل وەڕیەو چن دۊای وارانە رفتەیل.
بڕیگ لە ناوچەیل وارانیگ وەخوەیانەو دینە کە رێژەیلی لە 410 ملم رەد کردیە تەنیا ماوەی دوو رووژ.
فرەتر لە 1.6 مەلیۆن کەس لە یابان لە 20 ئەیلول/ سێپتەمبەر تەمەی چگن ئەرا ناوچەیلیگ ئارامتر وەرگردنە.