ئاژانس فرانس پرس وت: تیمەیل ئاگرکپەوکردن و فریاکەفتن چەن تەرمیگ وەتوو پەتوو نانە ناو گەراجیگ لەو بنکە ک هن پەیمانگای نیشتمانی کووچبەرەیلە لەبان سنوو وەگەرد ئەمریکا.
پەیمانگەی نیشتمانی کووچبەرەیل دووپات لە هیزگردن ئاگرەگە کەێد، وەلێ هوچ زانیارییگ لە قوربانیەیل نیەێد، باوجی میدیایل راگەیانن لە زوان سەرچەوەیلیگ فەرمی ک ناویان دیاری نەکردن، مەزەنە کەن دەیان کەس لەناو ئەو ئاگرە مردنە.
کراکاریگ رزگارکردن، داوا کردیە ناوی ئاشکرا نەوود، چوینکە مووڵەت قسەکردن نەیرێد، وت: نزیکەی ٧٠ کووچبەر فرەیان ڤەنزوێلایین لەناو ئەو بنکە بوینە.
خانمیگ ڤەنزوێلی وەناو فیناگلی ک لە وەردەم ئەو بنکە هاوار و ڤیژە کردیاد، چوینکە شویەگەی لەتەمەن ٢٧ ساڵان لەورا بەندی کریاگە، وت: شویەگەی وە ماشین فریاکەفتن بردن.
دووپات کرد ک هویچیگ لەلی نیەزانێد، و وەرپرسەیل بنکەگە هویچ قسەیگ نەکردنە.