شەفەق نيوز/ دەزگای ئێزگەی گشتی تایلاند، ئمڕوو جمعە، کوشیان شەش کەس راگەیان کە لەناو فرۆکەی بویچگیگ هن پولیس بوینە، و کەفتیەسە ناو دەریا نزیک ناوچەیگ کناراوی وەناوبانگ.

دەزگاگە وت: فڕۆکەگە هن پولیس ئاسمانی بویە، و وەگورەی تیمەیل رزگارکردن کە یەکەم کەس بوین رەسینە شوین رویداوەگە، لە سەرتا وڵات پەنج کەس کوشیانە و کەسیگیش زەخمدارە، وەلێ زەخمدارەگە لەناو ڕی وەرەو خەسەخانە گیانی لەدەسدا.

ئەرتشايون كراسونج، قسەکەر پولیس تایلاند وت: فڕۆکەگە لە کاروانیگ تاقیکردن بویە ئەرا ئامادەکاری راهێنانیان وەخوارخستن وە پاڕاشوت لە ناوچەی هوا هين، و نزیکەی ساعەت هەشت شەوەکی وە وەخت وڵاتەگە کەفتە ناو دەریا.

 وەرپرسەیل ئاشکرای مارکەی فڕۆکەگە نەکردن، وەلێ لە وینەیل شوین رویداوەگە دیارە لە مارکەی "Viking DHC-6 Twin Otter" بویە، و وەڕیەوبەرایەتی پەیوەندییەیل گشتی لە ناوچەی براشواب كيری خان وت: فڕۆکەگە نزیک فڕوکەخانەی  هوا هين کەفتیە.

وینەیل فڕۆکەگە لەناو دەریا نشان دان وە دویری نزیکەی 100 مەتر لە هشکایی، و دیارە بویەسە دوو کوتەو. 

وتیش: گشت ئەو کەسەیل لەناو فڕۆکەگە لە ئەفسەرەیل پولیس بوینە.

تا ئیسە مدووەیل کەفتن فڕۆکەگە نەزانیاس، لە وەختیگ ئەرتشايون وت: وەرپرسەیل پەسا بەڵگە و داتایەیل سەندوق سیای فڕۆکەگە گردەو کەن.