شەفەق نیوز/ دەسەڵاتەیل ئەمریکا، دویەشەو شەممە، سەربازگەیگ لە ویلایەت ڤیرجینیا بەسان، دویای تەقەکردن لە کەسیگ و کوشتنی، کە دەسەڵاتەیل سەربازگە وتن رویداویگ تاکانە بویە.
تەقەکەرەگە دەسگیر کریا، و دویای دوو ساعەت لە بەسیان سەربازگەی فۆرت ئایزنهاوەر رەوش سروشتی راگەیانن، وەگورەی قسەی ناوەند ئۆپراسیۆنەیل لە سەربازگەگە لەبان سۆشیال میدیا.
تەقەکەرەگە لەناو شوینیگ نیشتەجییوین ناو سەربازگەگە بوی کە کەفێدە دەیشت ئۆجوستا لە ویلایەت جۆرجیا.
زانیاری لەبان ناسنامەی قوربانیەگە ئاشکرا نەکریا، تا ئاگادار بنەماڵەی کریەێد.
لە بەیاننامەیگ وت: سەربازگەی فۆرت ئایزنهاوەر پشتگیری لە بنەماڵەی قوربانیەگە کەێد، و ئەوەسا پاڵپشتی کریەێد لە هەر کەسیگ وەی کەلەمە زەرەد وەپی رەسیە.
هەمیش هوشداری لەبان سۆشیال میدیا بڵاو کرد کە لە پەیامیگ وت: (بەسیان! بەسیان!) وتیش: ریکارەیل بەسیان هەر ئیسە لەناو سەربازگەگە جیوەجی بکەن، ئەگەر هایدە رخداری ریکارەیل گونجیاگ جیوەجی بکە.
دویای گڕیگ، ناوەند ئۆپراسیۆنەیل خەوەردا کە هەڕەشەگە نەما، و توەنین وە شیوەیگ سروشتی کار بکەین.