شەفەق نیوز/ دەسەڵاتەیل بەڕازیل، ئمڕوو شەممە، کوشیان ١٢٨ کەس لەلای کەمەو راگەیان، لەوەر ئەو واران رفتە ک باکوور خوەرهەڵات وڵاتەگە گردە وەر.
ئاژانس "شینخوا" لە زوان پاوڵۆ کامرا حاکم ویلایەت بیرنامبۆکو وت: شمارەی قوربانیەیل وارانەگە لە ریسیڤی پایتەخت ویلایەتەگە رەسیە ١٣٨ کەس، وتیش زیاتر لە ٩٣٠٠ کەس لەو ناوچەیلە دراوریا.
هەرلە هەفتەی گوزەشتە، بیرنامبۆکو واران وەخوەی دۊنێد، و لە کۆتایی هەفتەگە وارانەگە فرەوە بوی، و لە بان تەپەیلیش زەویەگە رمیا.