شەفەق نیوز/ دوو سەرچەوەی ئەمنی، شەوەکی ئمڕوو دووشەممە، وە رۆیتەرز وتن، ئیسرائیل پەلامار ئاوای سوڵتانیە دایە لە باشوور لوبنان بویەسە هووکار کوشیان سێ کەس لەناویان سەرکردەیگ مەیدانی هەس لەناو هێز رەزوان کە هێزیگە سەر وە کۆمەڵەی حیزبوڵای لوبنانی.
ئاژانس راگەیانن لوبنانی لەزوان حزبوڵای لوبنانی راگەیانکە نویسانە پرسەی یەکیگ لە ئەندامەیلیانە وە ناو عەبدولئەمیر حەسەن حلاوی ناسریاگ وە عەلی رەزا کە لەداڵگبوی ساڵ 1976 شارۆچکەی کفرکەلای باشوور لوبنانە.
لەلایگیش سوپای ئیسرائیل دویەشەو یەکشەممە راگەیان رێکار ترەک هەڵگردیە ئەرا ئامادەکاری جەنگیگ لە لای باکوور کە ماوەی شەش مانگە شەرەتەقە دروسبویە وەرد حزبوڵای لوبنانی.