شەفەق نیوز/ فڕۆکەی هیزەیل هاوپەیمان ناودەوڵەتی، شەفەق ئمڕوو دووشەممە، ئۆپراسیۆن داوەزیان ئاسمانی وەچەن فڕۆکەیگ هەلیکۆپتەر، نزیک ئاوای سویدە لە ئاوای شار جرابلس خوەرهەڵات شار حەلەب جیوەجی کردن، رەسیە کوشتن سەرکردەیگ لە داعش و دەسگیرکردن یەکیگتر.
میدیایل راگەیانن سوریا وتن: چەن هەلیکۆپتەریگ هاوپەیمان ناودەوڵەتی لە سەربازگەی خراب عشک لە کۆبانی وەئاست نزمیگ لەبان ئاوای سویدیە باڵگردن، و تا یەک ساعەت تەقە بوی.
سەرچەوەگە وتیش: ئۆپراسیۆنەگە کەسایەتییگ وەناو "ئیبراهيم ئەلمعەن" کردە ئامانج ک سەرکەدەس لە ریخریاگ داعش ک لەلای هەسدە دەسگیر بویە، و وەرجە شەش مانگ مەرەقەز کریاگە، ک ئۆپراسیۆنەگە رەسیە کوشتنی، و تەرمەگەی لە ئاوای سەنگ سیا فڕە دریا.
هیزەیل هاوپەیمان ناودەوڵەتی کەسیگتر دەسگیر کردن، ک وەگورەی زانیاریەیل ناوی "عايد هلال ئەبو طالب" بویە، و مەزەنە کریاگە ئەویش سەرکردەس لە ریخریاگ داعش، و وەلایەن هیزەیل هاوپەیمان ناودەوڵەتی بریا، و هویچیگ لە چارەنویسی دیار نییە.