شەفەق نیوز ــ وەدویاچگن

سەرچەوەیگ سوری ئەرا ماف مرۆڤ، ئمڕوو یەکشەممە، خەوەردا لە کوشیان زیاتر لە هەزار کەس وە کارەیل تونتیژی لە پارێزگای سوەیدا لە باشوور سوریا.

وەپای سەرچەوەگە "336 چەکدار لە درزیا و 298 مەدەنی لە دروز کوشیان، لەناویان 194 کەس لە سێدارەدریان، 342 ئەندام لە وەزارەت وەرگیری و دەزگای ئاسایش گشتی کوشیان، وەرد 21 کور هووزەیل خێڵەکی، 3 مەردم مەدەنی لە سیدارە دریان.

سەرچەوەگە خەوەردا "پەلامارەیل ئاسمانی ئیسرائیل لەماوەی گرژیەیل بویەسە مدوو کوشتن 15 ئەندام لە هێزەیل حکومی".

سەرچەوەیگ لە وەرین راگەیاندبوی  ئەو تونوتیژیەیلە لە ١٣ تەمموز لە ناوەین هووزەیل دروز و بەدەوی دروسبوی وەپای ئامارەیل ەرەتایی 940 کەس گیان لەدەسدان.