شەفەق نیوز/ دەسڵاتدارەیل کۆریای باشوور، ئمڕوو یەکشەممە، راگەیانن شمارەی قوربانیەیل سیئۆل بەرزەوبوی ئەرا 151 کەس،و زەخمداری 82 کەس ک 19 کەسیان لە بارودۆخ مەترسیداریگن.

رویداوەیگ دەڵەکداین لەوەخت جەژن"هالوین" لەناوچەی "ئیتایۆن" لەناوراس سیئۆل پایتەخت رویدایە لە دیرە وەخت دویەشەو شەممە، لە نزیک هۆتێل "هاملیتۆن"، ک ژیان شەوەیلی وەناوبانگە، دویای ئەوەگ دەیان هەزار کەس روی کردنە ناوچەگە ئەرا ئاهەنگ"هالوین".

یە وە رویداو سیایگ لە میژوو کۆریای باشوور توومار کریەێد.

لەلایگ قۆنسۆلخانەی روسیا لە سیئۆل  راگەیان شمارەی کوشیان روسیەیل لە دەڵەکداینەگەی سیئۆل بەرزەوبویە ئەرا دوو کەس"دویەت"، و زەخمداری هاوڵاتیگ روسی ک ئەرا چارەسەر کلکریاس ئەرا خەسخانە.

سەرۆک کۆریای باشوور، یون سیوک-یول، راگەیان ئمروو ماوەی پرسەی نشتیمانیە ئەرا قوربانیەیل رویداوەگە.