شەفەق نیوز/ دەیان کەس گیانیان لەدەسدان، لە ئەنجام رمیان بەنداو "ئەربەعات" وەدویری نزیکەی ٢٠ کیلۆمەتر لە شار بورتسودان لە ئەنجام لافاو و واران رفتیگ لەماوەی هەفەتەیل گوزەشتە لە وڵاتەگە.
رمیان بەنداوەگە لافاو ویڵانکەریگ هاورد، کە لەڕیی خوەی بڕیگ لە ئاوایەیل نزیک بەنداوەگە ماڵی، و دەیان کەس کوشت، لە وەختیگ دەسەڵاتەیل مەگەر وە سەختی فرەیگ بڕەسنە ئەو کەسەیلە کە گیر هاتتە، یا ناچار بوینە بچنە بان کویەیل، کە لەورا مار و کوڵەنجی هەڕەشەیان دەێد.
ئی رویداوە نەهامەتی نوویگ ئەرا بەدی رەوشەیل مرۆیی لە سودان هاورد، کە بە زیاتر لە ساڵیگە زیان لە جەنگ و کولێرا و کەمئاوی و کەم خوەراکی سەختیگ وەخوەی دوینێد.
راپۆرتەیل باس کەن کە شمارەی قوربانیەیل بەرزەو بوود، چوینکە هیمان فرە کەس بیسەروشوینن.