شەفەق نیوز ـ لەندەن

خوەنەواریگ سعودی تەمەن 12 ساڵان کوشیا، دویای ئەوەگ وە چەقوو دریا لە ملی هنای لەناو باخچەیگ گشتی بوی لە باشوور شار "کامریدج" بەریتانیا.

چالاکوانەیل سعودی وینەی ئەو گەنجە بڵاوکردنە، وەرد بڵاوکردن پارچە ڤیدیۆیەیل کە لە وەخت دەسگیرکردن ئەنجامدەر تاوانگەر توومارکریاس.

کەناڵ"ئەخباریە" سعودی راگەیان پۆلیس بەریتانیا پیایگ 20 یا 21 ساڵان دەسگیرکردیە، وە مدوو دەسداشتن لە رویداوگە.

لە بەیانیگی لەبان پێگەی "ئێکس" دیاریکرد، لێکۆڵینەوەیل سەرەتایی تا ئیسە وەردەوامە ئەرا ئاشکراکردن چۆنیەتی رویداوەگە.

دەسوەجی وەگەرد رویدان رویداوەگە هێزەیل ئەمنی و لێکۆڵینەوەیل تاوان رەسینەس شوین تاوانەگە ئەرا توومارکردن چۆنیەتی رویداوەگە و وشکنین بەڵگەیل و گردەوکردن شایەتی وەچەودیەیل.

لەبان حساو کۆمەڵەی خوەنوارە سعودیەیل زانکۆی کامبرێدج  بەیاننامەیگ وە بوونەی پرسەی خوەنەوار سعودی وەناو محەمەد بن یوسف بن عەبدولعەزیزقاسم بڵاوکریاس.