شەفەق نیوز ـ خەرتوم
وەلای کەم 60 کراکار گیان لەدەسدان وە رمیان کانیگ تەڵا لە ولایەت خوەرئاوای کردفان لە سودان، و تا ئیسە کەسەیلیگ دیارنین.
ئەوانەگ رزگاربوینە، ئمڕوو چوارشەممە، ئەرا ئاژانس فرانس پرێس، دووپاتکردن، ئەوانەگ تا ئیسە دیارنین، هاتێ لەژیر لاوارەیل گیان لەدەسدانە.
رویداوەگە دویەشەو سێشەممە، رویدا لە کان ئەلزرع نزیک شار نهود لە ولایەتیک کەفێدە باشوور وڵاتەگە.
فریاڕەسەیل شەوەکی ئمڕوو تەرم 60 کەر دراوردن تا ئیسا شمارەیگ ترەک نادیارن.
یەکیگ لەو کەسەیلە رزگاری بویە، خێر ئەلسێد جەبارە، وت لە دویای کارکردن لە کانەگە ئەرا کارەیل رزگارکردن کە وە درویژایی شەو وەردەوام بوی، شمارەی ئەو کەسەیلە تا گیرکردنە نیەزانین.