شەفەق نیوز - نایرۆبی

کەناڵ "سیتیزن تی. ڤی" تەلەفزیۆنی کینیایی، رووژ جمعە، خەوەردا لە کوشیان شەش کەس وە رمیان بینایگ لەژیر دروسکردن لە نزیک نایرۆبی پایتەخت.

 کەناڵەگە لە بڵاوکریاییگ لەبان پلاتفۆرم "ئێکس" دیاری کرد کە بیناگە نزیک بۊ لە وێستگەی "ئێس. جی. ئاڕ" لە ملۆلۆنگۆ لەبان ریە خێراگە لە ناوەین نایرۆبی و مۆمباسا، و لە سەعات نۆ و 52 خولەک شەوەکی رمیایە، وەپەی ئاژانس "رۆیتەرز".

 رۊداوەگە تەنیا دۊای چەن هەفتەیگ لە رمیان بینایگ ترەک لە 12 قات لە نایرۆبی لە 23 تشرین یەکەم/ ئۆکتۆبەر گوزەشتە، کە بۊە هووکار کوشیان هەشت کەس.

 خاچ سوور کینیایی لە بڵاوکریاییگ لەبان "ئێکس" دیاری کرد کە لای کەم سێ کەس رزگار کریانە و ئەرا خەسەخانە بریانە.

 کینیا رۊداوەیل دووارەوبوی لە رمیان بینایەیل وەخوەی دوینێد، و وەپەی پەیمانگای کینیایی حکومەتی ئەرا توێژینەوەیل و شیەوکردن سیاسەتە گشتییەیل، هووکارەگە لە فرەی وەختەیل گلەو خوەێد ئەرا وەکارهاوردن مادەیل کە هاوتا نین وەرد پێوەرەیل و لاوازی چەودیاریکردن و کەموکوڵییەیل لە دیزاینەیل بیناسازی.