شەفەق نيوز– تەهران
میدیایەیل ئیرانی، ئمڕوو شەممە، خەوەردان لە کوشیان و زەخمداری 42 کەس لە ئەنجام رویداویگ هاتوچو بویە مدوو شکیان پاسیگ لە باشوور وڵات.
سەرچەوەیل ئیرانی وتن: 15 کەس گیانیان لەدەسدان و 27 کەسیش زەخمدار بوین، لە ئەنجام رویداویگ هاتە تویش پاسیگ لە پارێزگای فارس لە باشوور ئیران.
تا ئیسە هویردەکاریەیلیگ زیاتر لە مدووەیل رویداوەگە نەزانیاس، لە وەختیگ پارچە ڤیدیۆییگ لە شوین رویداوەگە لە ناوچەی جبلیە تیمەیل رزگارکردن و فریاکەفتن نشان دا، زەخمدارەیل هەڵگرن.