شەفەق نيوز- ئیسلام ئاباد
وەڕیەوبەرایەتی گشتی هیزەیل چەکدار پاکستان (ISPR)، ئمڕوو شەممە، راگەیان کە هیزەیل ئەمنی 11 چەکدار کوشتن کە لە هندستانەو پشتگیری کریانە، ئەوەیش وە دوو ئۆپراسیۆن جیاجیا لە هەرێم خەیبەر و بەختونخوا، باکوور وڵات.
ئیدارەگە لە بەیاننامەیگ وت: ئۆپراسیۆنیگ هەواڵگری لە ناوچەی باکوور وەزيرستان جیوەجی کریا، دویای رەسین زانیاری لەبان چەکدارەیلیگ، و لە ئۆپراسیۆنەگە پەلامار حەشارگەیان دریا، و دویای تەقەکردن شەش چەکدار کوشیان.
لە ئۆپراسیۆنیگ ترەک لە ناوچەی كورام، هیزەیل ئەمنی تەقە لە بڕیگ ترەک لە چەکدارەیل کردن، کە بویە مدوو کوشیان پەنج چەکدار.
وتیش: چەک و فیشەکەیل لە چەکدارە کوشیاگەیل بریا نە لە هندستانەو پشتگیری کریانە، و ئەرا پەلامارەیل تیرۆری وەکار هاوریانە.