شەفەق نیوز - دیمەشق
وەزارەت وەرگری سووری، ئمڕوو دووشەممە، راگەیان لە کوشیاین دوو سەرباز و زەخمداربوین کەسەیل ترەک دۊای پەلاماریگ چەکدار کە پاسیگ سوپای سووری لە دەیشتایی حەسەکە لە باکوور خوەرهەڵات وڵاتەگە کردە ئامانج.
وەزارەتەگە لە بەیاننامەیگ رەسیە پەیامنێر ئاژانس شەفەق نیوز وت: چەکدارەیلیگ نەناسیای پاسیگ سەروە سوپای سووری لە خوەراوای سایلۆیەیل عالیە لە دەیشتایی حەسەکە کردنەسە ئامانج، کە بویە هووکار کەفتن کوشیاییگ و بڕیگ لە زەخمدارەیل، وەبی ئاشکراکردن وردەکارییەیل زیاتر لەبارەی سرووشت پەلامارەگە یا شمارەی زەخمدارەیل.
وپەیامنێرمان وتیش: زەخمدارەیل ئەرا خەسەخانەی رەئس عەین دۊای ئەوەگ وە کوڵەیگ لەبان ری M4 کریانەسە ئامانج، وەپای ئەوەگ پارچە ڤیدیۆیگ نیشانی دەێد.