شەفەق نیوز/ ئوسترالیا، ئمڕوو شەممە، چوار ژن و ١٣ مناڵ گلەو دا، دویای ئەوەگ تا چەن ساڵیگ لەناو دوو کامپ لە سوریا دویای رمیان ریخریاگ داعش گیر هاتوین.

یە یەکەمین جویرە لە زنجیرەی ئەرکەیلیگ ک بڕیارە ٢٠ ژن و ٤٠ مناڵ ئوسترالی گلەو بخوەن، ک ژن و مناڵەیل جەنگاوەرەیل داعش بوینە، لە کامپەیل هۆل و ڕۆژ.

کلێر ێۆنیل خانمە وەزیر کاروبار ناوخوەیی ئوسترالیا وت: حکومەت نووڕیە بڕیگ لە کارەیلیگ پەیوەندی وە ئاسایش و کۆمەڵگای و چەودیاری کۆمەڵایەتی دیرن.

دوایی ەەسین ١٧ کەس ئەرا سیدنی راگەیان؛ بڕیار گلەوداین ئی ژن ومناڵەیلە لە بنەمای هەڵسەنگاندن تاکانە هاتیە، دویای کار درویژیگ لەلایەن ئاژانسەیل ئاسایش نەتەوەیی.

ئونێل وتیش: شایەت دادکاری ژنەیل لە ئوسترالیا بکریەێد، ئەگەر  لەلای ئەندامەیل دژەتیرۆر دەرکفت ک دەسیان لەناو کارەیلیگ نایاسایی بویە لە سوریا.

لەلای خوەییش سوفی ماکزیل تۆێژینەر لەلای هیۆمن رایتس ووچ وت: ئی گامە فرە دیر هاتیە.

وتیش: یە چەن ساڵیگە حکومەت ئوسترالیا هاووڵاتیەیلی هیشتیەسە وەر رەوشەیل سەختیگ لەناو کامپەیل باکوور خوەرهەڵات سوریا.